Padayon ang pagnubo sa kadamuon sang kaso sang Covid-19 sa Negros Occidental. Ini ang nagpanaog na sa 970 ka active cases base sa pinaka ulihi nga report sang Provincial Incident Management Team.
Suno kay Provincial Administrator Rayfrando Diaz, gina planuhan na sang probinsya ang pagsira kuntani sang Mambukal Resort bilang quarantine facility. Kag target ang pagbukas sang amo nga resport sa mga nabakunahan nga turista sa bulan sang Disyembre.
Duha na man lamang kuntani ang naka quarantine sa Mambukal, pero sang kahapon lamang may nagdugang kasunod sang pag positibo sang isa ka staff sang Isabela District Hospital kag pamilya sini.
Gina paabot man ang pagbalik cross border nga biyahe. Kahapon, Nobyembre 15, nag sapol liwat ang tagdumalahan sang Vallacar Transit sa kapitolyo probinsyal. Suno kay Diaz, padayon pa ang pag plastar sang tanan kag gina hulat ang executive order ni Negros Oriental Governor Roel Degamo bahin diri.
Pila sa mga gintalakay amo ang pagbiyahe sang mga bus mangin 70 percent sa capacity, ang mga naka bakuna magpakita sang verifiable cards ang wala naman dapat may negative RT PCR test result. Sang Nobyembre 15, nagsugod na ang tatlo ka mga flights gikan sa Manila padulong sa Bacolod bilang sabat man sa panawagan karon nga ginapaabot ang pagdamo sang mga nagabiyahe.