Shadow

Negros Occidental kag Bacolod preparado na para sa booster shots sang health care workers

PHO photo

Booster shots para sa mga healthcare workers ang magasugod na bwas nga adlaw, Miyerkules.

May yara na sang authority para sa pagpatigayon sini kag subong nga adlaw ginapaabot ang guidelines.

Suno kay Provincial Administrator Rayfrando Diaz handa na ang probinsya para diri kag sandig man sa guidelines ang mga nabakunahan sang Sinovac vaccines, Pfizer vaccine ang gina recommend nga booster shots.

Pero sa gihapon, padayon ang pagduso sang probinsya sa pagbakuna sa general population. Suno kay Diaz ginatutukan ang yadtong wala pa gid mabakunahan para sa herd immunity nga ang tuyo proteksyon sa kadam-an.

Sa Pebrero ang commitment ni Governor Eugenio Jose lacson nga malambot ang 1.8 million nga target mabakunahan kag luyag sang probinsya nga mapadasig pa gid ang vaccine rollout.

Samtang sa Bacolod, natalana man nga magadugang sang vaccination area sa mga mall ang emergency operations center agud nga mapaiway ang pagdagsa sang mga medical frontliner kag senior citizen nga luyag magbaton sang booster shot.

Leave a Reply

Your email address will not be published. Required fields are marked *

Secured By miniOrangeSecured By miniOrange