Suspendido ang klase sa tanan nga buluthuan sa probinsya sang Negros Oriental sa Agosto 7, bangud sa nagadamo nga kaso sang sore eyes ukon conjunctivitis.
Sa Executive Order No. 50, Series of 2026 nga ginpirmahan ni Governor Manuel Sagarbarria, ang pag suspend sang klase ang naka base sa recommendation sang Integrated Province Health Office (PHO) agud nga mabuhinan ang close-contact kag exposure sang mga estudyante, teaching personnel kag school employees.
Base sa EO, ang pagsuspend sang klase ang naga tuyo nga malikawan ang person-to-person exposure, makapahuway kag makapabulong ang mga apektado nga mga estudyante kag personnel, kag agud man nga maka-disinfect kag sanitize sang mga classroom, banyo, corridors, learning materials, kag iban pa nga masami gina kapyutan sa eskwelahan.
Gina abisohan ang publiko nga mangin matinlo sa pagpang gawi. Magpanghinaw sang kamot, likawan ang sharing sang personal nga mga bagay, likawan ang pagtipon tipon kun indi man lang importante kag magpa check up kun may simtomas sang sore eyes.
[sibwp_form id=1]