Isa-isa nga ginpapanaog ang mga pasahero sang van nga nadakpan nga nagabiyahe apang wala sang nagakaigo nga dokumento sa highway nga sakop sang mga banwa sang Pontevedra kag Valladolid sa Negros Occidental.
Suno sa Land Transportation Office-Negros Island Region, sakay sang tagsa ka van ang onse ka mga nagplete nga pasahero. Ang 22 tanan ka mga pasahero ang ginpabayad sang P350 tubtob P450 nga plete.
Ini apesar nga suno sa LTO, wala sang required nga authority to operate bilang public utility vehicle ang duha ka mga salakyan.
May ruta nga “Bacolod City to Sipalay City” ang duha ka mga nasambit nga colorum van.
Nagpanawagan si LTO-NIR regional director Jeck Conlu sa mga commuters nga magsakay sa mga lehitimo nga transport services kag indi sa mga colorum nga salakyan, para man sa ila safety.
[sibwp_form id=1]