Sa monitoring sang Philippine Institute of Volcanology and Seismology, may lima ka mga pagtay-og nga na record sa bulkan Kanlaon sang Hwebes. May isa naman ka volcanic tremor ukon pagtay-og sang bulkan sa sulod sang 72 minutos.
May pagsaka man sa volume sang sulfur dioxide nga ginbuga sang bulkan. Humalin sa masobra sa 600 ka tonelada nga ginbuga sang bulkan sang Miyerklues, nagdangat ini sa masobra sa 2,400 ka tonelada.
May paghubag sa gihapon ang sulod sang bulkan.
Biyernes sang aga, amo sini ang sitwasyon sa bulkan. Kitaon pa halin sa Barangay Villamonte sa Bacolod ang pagsungaw sa crater sang bulkan.
Nagapabilin ang Kanlaon sa Alert Level 2, indi pwede makasulod sa 4km permanent danger zone bangud may posibilidad nga magalupok ini liwat.
[sibwp_form id=1]