Nakuhaan sang video ang pag tapungolay sang isa ka tricycle driver kag traffic enforcer malapit sa isa ka eskwelahan sa Himamaylan City, Miyerkules nga adlaw, Agosto 19.
Nagdugo ang baba sang traffic enforcer nga ginkilala kay alyas “Ramil”, 48-anyos matapos ginsumbag sang driver.
Suno kay “Ramil”, nakauna ini patupa sa tricycle driver bangud ginkuga siya. Nalagyo ang driver kag sang iya ini ginlagas agud kuhaon ang yabi, didto na kag gintapungol siya.
Detained sa Himamaylan City Police Station ang tricycle driver kag nagaplano ang traffic enforcer nga magpasaka sang kaso batok sa iya.
Masobra isa na ka dekada nga naga-obra bilang traffic enforcer sang Himamaylan ang biktima.
Suno sa traffic enforcer, sila ang madugay naman nga mag-amigohay sang tricycle driver.
Matapos ang insidente, nagpagwa sang show cause order ang Land Transportation Office batok sa tricycle driver agod makapaathag sa natabo.
[sibwp_form id=1]