Gin announce sang London School of Hygiene and Tropical Medicine nga ang ila nga alumnus nga si Dr. Melvin Sanicas nga isa ka tumandok sang Bacolod City ang napilian bilang isa sa mga Fellow sang Infectious Diseases Society of America, isa sa mga pinakamataas nga pasidungog nga gina hatag sa mga outstanding leaders sa patag sang infectious diseases.
Si Sanicas ang isa ka physician-scientist nga may 20 years nga experience sa immunology, infectious diseases, kag vaccinology, isa man siya ka science communicator kag nangin recipient sang Pamana ng Pilipino Presidential Award.
Sini nga October, pasidunggan man siya sa Bern, Switzerland, bilang José Rizal Heritage Award Laureate for Medical Research and Education, bangud sang iya nga nangin kontirbusyon sa pag contain sang disease outbreaks.
Isa ini ka international distinction sang Jose Rizal Heritage Fund sa Switzerland. Ginahatag ini sa mga indibidwal, grupo kag leaders nga ang gina ginahimo nagapakita sang legasiya sang national hero nga si Dr. Jose Rizal.
Nagbiya siya sa Pilipinas sang 2006 para i-pursige ang medical research sa Asia, Europe, United States kag Africa.
Nangin International Medical Director sa Exact Sciences, nga nag focus sa cancer diagnostics para sa tanan nga types sang cancer. Antes sini 15 ka tuig siya nga nag trabaho sa mga bakuna para sa infectious diseases.
Nangin dako ang kontribusyon ni Dr. Sanicas sa global health, sa pagpakigbato sa COVID-19 sa pag develop sang bakuna kontra influenza, dengue, tuberculosis, kag iban pa nga infectious diseases.
[sibwp_form id=1]