Madamo nga pilas sa lawas kag ulo ang naangkon sang 84-anyos nga arbularyo matapos ginbuno-buno sa sulod mismo sang iya balay sa Don Hermino Village, Barangay 1 sa banwa sang EB Magalona, mga las 4:40 sang kaagahon, Miyerkules, Agosto 19.
Nagakatulog ang biktima upod ang iya 61-anyos nga asawa sang nagsulod sa ila balay ang mga suspek nga may mga tabon sa itsura kag ginhimo ang krimen.
Ginsiling ni Police Master Sergeant Henry Mangana III, investigator on case sang EB Magalona PNP nga may mga saksi nga nakakita sa duha ka mga suspek nga nagsakay sa tricycle.
Tubtob subong, padayon pa ang backtracking kag pagpangita sang closed-circuit television camera footages agod makilal-an ang nagpatay sa tigulang.
Isa sa mga anggulo nga ginalantaw sang PNP amo ang may kaangtanan sa obra sang biktima bilang isa ka albularyo kag manughilot.
“Wala pa gid sang person of interest kay ang tanan nga gin-conduct namon nga investigation sa CCTV, waay gid nagatuon ang camera sa dalan. Sa establishment siya kung diin nagapanag-iya ka CCTV.. Didto na kami nag-focus sa iya obra kay suno da sa mga tupad balay niya, damo siya sang mag kliyente nagakaladto da sa iya balay nagapabulong, ang iban nagapahilot. Daw waay da permi nagakawad-an sang customer. Basi bala may nakontra to siya kag nainit sa iya. Amo na ang possible namon nga motive”, suno kay Mangana.
[sibwp_form id=1]