Duha ka balay ang ginlamon sang kalayo sa Purok Tunay, Zone 1, Barangay Bata sa Bacolod City Miyerkules nga adlaw.
Ginsiling ni FO2 Anthony Val Isansa, Fire Arson Investigator, nga sa pag-abot nila sa lugar una nila nga nakita ang pilason nga si alyas “Raegan” 40 anyos nga nagaistar sa nagakasunog nga balay.
May pilas ini sa liog samtang napaso man ang duha sini ka mga kamot.
Suno kay Isansa, may buka nga botelya nga gina-uyatan ang lalaki rason nga indi ini nila mapalapitan bangud naga resist man ini.
Hana pa kuntani nga magdalagan pasulod ang lalaki sa iya balay, apang gilayon man ini nga napunggan sang BFP kag gindala sa ospital.
Padayon pa nga gina-usisa sang BFP ang ginhalinan sang sunog kag ang posibilidad sang kahilabtanan diri sang mismo nga tagbalay.
Nalambot sang kalayo pati ang kaingod nga balay samtang nagdangat man aa 38,000 pesos ang halit nga ginbilin sang sunog suno sa BFP.
“Indi ko kahambal nga hubog siya sir kay wala man kami kapanimaho sa iya ilimnon. Basta, ginahulat nalang namon sir ang findings sang doctor sir para didto kami ma base sang facts nga didto ihatag sang doctor samon nga findings”, suno kay Isansa.
[sibwp_form id=1]