Nagtukod ang Negros Oriental Police Provincial Office sang Special Investigation Task Group “DUELL” agod tutukan ang imbestigasyon sa pagpatay sa American national kag misis sini nga Pinay sa ila balay sa Barangay Bajumpandan, Dumaguete City.
Nalakipan ang task group sang police provincial director, Criminal Investigation and Detection Group, PNP Cybercrime Unit, Dumaguete City Police Station kag iban pa nga investigation units.
Ginsiling ni Capt. Stephen Polinar, spokesperson sang NOrPPO, isa sa mga anggulo nga ila gina-usoy amo ang robbery tungod may pila ka mga pagkabutang sa balay nga nagkaladula.
May nakita man nga “forced entry” sa balay ang mga imbestigador, suno kay Polinar.
Naabtan sang mga nagresponde nga kapulisan nga duguon kag may mga igo sang bala ang 72-anyos nga Amerikano kag ang 71-anyos nga asawa sini.
Suno sa 53-anyos nga caretaker, nakabugtaw siya mga las 4 sang kaagahon kag nakit-an ang isa ka lalaki sa sulod sang balay. Nakasuksok ini sang bonnet kag may dala nga pusil.
Ginpaidalom ang bangkay sang mag-asawa sa autopsy kag post mortem examinations.
“We are still waiting for the results coming from the Forensic Unit regarding dun sa mga sinubmit natin na evidence for examination.. There are a lot of pwede natin tignan na mga anggulo, there’s robbery. May nawawala kasing gamit sa bahay. We are looking into that angle and there’s a killing. But there could be more motive of the suspect prior to the killing. If their intention is to kill or to rob.. Dalawa lang sila (couple) kasi yung servants is nakabukod, the servant quarter is adjacent sa bahay”, suno kay Polinar.
[sibwp_form id=1]