Gindakop sang mga operatiba sang Bureau of Immigration ang isa ka Chinese national nga ginasuspetsuhan may kaangtanan sa anay operations sang Philippine Offshore Gaming Operator ukon POGO.
Sa report sang BI Intelligence Division, gindakop si Xie Yingwen, 34-anyos, isa ka fruit vendor, sa operation sang BI, upod ang Negros Occidental Police Provincial Office kag Station 1, sa Yulo Street, Barangay 16 sa Bacolod City.
Ang pag-aresto kay Xie ang paagi sa mission order nga ginpagwa ni BI Commissioner Joel Anthony Viado matapos sila makabaton sang impormasyon halin sa intelligence sources sang gobyerno, angot sa suspek.
Napaslawan nga magpakita sang ano man nga identification ang foreign national kag natukiban sang BI nga wala ma-extend sang subject ang iya visa diri sa Pilipinas rason nga makabig siya nga overstaying alien.
Gin-ako ni Xie nga naka-agi siya obra sa Manila bilang manugbaligya sang prutas kag pagkaon.
Suno kay Viado, ang operation sang BI ang indi lang natuon sa Metro Manila, kag iya gin-abi-abi ang bulig sang komunidad sa pag-locate sang mga illegal aliens bisan diin man nga bahin sang pungsod sila nagapanago.
Si Xie ang nagapabilin sa holding facility sang BI sa Bicutan samtang nagahulat sang iya deportation.
[sibwp_form id=1]