Tag: Negros Occidental news

Jul302025 by Barbara MijaresNo Comments

Ika duha nga tranche sang salary increase sang Capitol employees ipatuman sa Agosto

Second tranche sang ika duha nga round sang salary increase sang mga empleyado sang Kapitolyo Probinsyal ang ipatuman sumugod bulan sang Agosto.Ini suno kay Negros Occidental Governor Eugenio Jose Lacson nga nagsiling nga may napain na nga pondo ang probinsya para diri.Suno sa gobernador, 33 million pesos ang balor sang lima ka bulan nga increase sa sweldo kag benepisyo sang mga empleyado.4 percent ang saka sa sweldo sang yadto makabig yara sa top position kag 8 percent naman ang yara sa middle paidalom.Tanan nga regular employees ang sakop diri suno kay Lacson.

Jul252025 by Barbara MijaresNo Comments

Binalbagan ginpaidalom sa State of Calamity

Balita Hiligaynon

Bahin sang Brgy Marina sa Binalbagan nga ginbaha sadtong July 19, 2025PDRRMO photoSang Hwebes gin paidalom man ang banwa sang Binalbagan sa state of calamity.Suno kay Engr Jernie Rondin ang Municipal Disater Risk Reduction Management Officer sang Binalbagan, sa session kahapon sang Sangguniang Bayan gin-aprobahan ang resolution nga naga paidalom sa banwa sang state of calamity.Ang Binalbagan isa sa mga banwa kag siudad sa probinsya nga labing apektado sang pag ulan kag pagbaha dala sang habagat nga gin pabaskog ni bagyo Crising sang nagligad nga semana.Suno kay Rondin, 41,597 ka persona gikan sa 13 ka mga barangay sa banwa ang gin-evacuate dala sang malain nga panahon.May kahalitan man sa masobra sa 56 ka ektariya sang humay kag mais. Kag masobra sa 2 million pesos ang balor sang kahal...

Jul242025 by Barbara MijaresNo Comments

DRRM protocol review gina panawagan ni Gov kasunod sang pagkapatay sang 6 ka persona

Balita Hiligaynon

Kasunod sang pag ka patay sang anum tanan ka persona sang mag igo ang habagat nga nagdala sang tuman nga ulan kag pagbaha, Gobernador sang probinsya ang naga panawagan sa mga alkalde nga lantawon liwat ang mga Disaster Risk Reduction Management protocol.Zero casualty ang dapat i-target kun mag igo ang kasubong nga mga sahi sang panahon suno kay Governor Eugenio Jose Lacson.Ini ang isa sa ginduso sang gobernador sa iya nga mensaha sa swearing-in ceremony sang bag-o nga mga opisyales sang Negros Association of Chief Executives.Suno kay Lacson ang natabo pahanumdom sang unpredictability kag pwersa sang nature. Dugang pa niya, ang disaster response naga sugod antes pa man mag igo ang kalamidad.Ginahaylo niya man ang mga alkalde nga indi lamang mag invest sa equipment kag infras...

Jul232025 by Barbara MijaresNo Comments

PHO naga paandam batuk sa mga balati-an nga makuha sa baha

Balita Hiligaynon

Provincial Health Office ang naga paandam kag naga bantay batuk sa mga masakit nga mahimo dala sang pag-ulan kag pag baha.Precautionary medicines ang gin-release na sang PHO.Suno kay Dr Girlie Pinongan, ang Provincial Health Officer, wala pa man sila sang may nabaton nga report angut sa mga kaso sang flood related nga mga masakit.Pero wala sila naga untat sa pag pahanumdom nga kun mahimo likawan ang pag ubog sa tubig baha. Suno kay Pinongan, may mga kabataan gani nga naga hampang pa sa ulan kag sa tubig baha.Ila na napadangat ini sa natungdan nga mga city health official. Naga paandam man si Pinongan sa water borne diseases.Indi malikawan ang water contamination sa tion sang pag baha. Mas maayo nga pabukalan ang tubig ilimnon.Sa mga evacuation center naman naga abis...

Jul232025 by Barbara MijaresNo Comments

Motorcycle rider nga nag-ala “Superman” nga stunt indi na maka kuha driver’s license

Balita Hiligaynon

Gin-disqualify na ukon indi na pagpahanugutan sang Land Transportation Office Region VI ang isa ka motorcycle rider nga makakuha sang driver’s license matapos makuhaan sang video nga naga “Superman” nga stunt sa banwa sang Don Salvador Benedicto.July 13 sang nakuhaan sang video ang rider nga naga hapa sa pulungkuan sang motor samtang naga dalagan sa Orange Cliff sa DSB.Matapos ang ginpatigayon nga imbestigasyon gin aprubahan ni LTO-6 Regional Director Gaudioso Geduspan II ang resolution sang Intelligence and Investigation Unit nga naga rekomenda sang immediate disqualification nga makakuha sang driver’s license ang amo nga rider.Delikado ang ginhimo sang rider indi lang para sa iya kaugalingon kundi pati sa mga nasugata niya base sa nasaad sa resolution.Bisan ginrason p...

Jul232025 by Barbara MijaresNo Comments

Kahalitan sa pananum sa NegOcc nagdangat sa P44.4M

Balita Hiligaynon

Kahalitan sa agrikultura nga dala sang habagat nga ginpabaskog sadto ni Bagyo Crising ang nadangat sa 44.4 million pesos.Ini base sa July 22 nga report sang Regional Disaster Risk Reduction Management Council.1,784 ka mga mangunguma ang apektado.Nagdangat sa 1,332 metric tons ang production loss.Samtang, 22.5 million pesos naman ang balor sang assistance nga tigayon nga na-release.Suno kay Office of the Civil Defense Regional Director, Donato Sermeno, III, nalakip na diri ang mga assistance nga na release sang tagsa ka local government unit, provincial government kag national agencies sa food and non-food items.Ang Negros Occidental PSWD lamang mga 1.9 M pesos ang balor sang assistance nga na-release.Padayon sa karon ang pag pamutos sang para sa food packs bilan...

Jul182025 by Barbara MijaresNo Comments

Kapierdehan tuga sang RSSI infestation sa tubo ginapaabot mag dangat P350M

Balita Hiligaynon

SRA file photoGina paabot nga maga dangat sa 350 million pesos ang balor sang kahalitan sa katubuhan tuga sang pag pang atake sang RSSI ukon ang peste sa tubo.Ini suno kay David Andrew Sanson ang pamuno sang task force kag Sugar Regulatory Administration Board Member nga nagsapol man kay Negros Occidental Governor Eugenio Jose Lacson Biyernes sang aga.Paathag ni Sanson, malapit na sa 3,000 hectares sang katubuhan ang na igo sang red striped soft scale insects nga ang epekto sini naga panubo sa tubtob katunga sang sugar content sang apektado nga tubo sandig man sa Egypt study.Ang 3,000 hectares kun ibase suno sa iya sa national production average ang sarang makahatag sang 700 million pesos nga balor sang sugar production.Ang projected losses nabase sa reported kag valida...

Jul162025 by Romeo SubaldoNo Comments

Balita Hiligaynon

Good vibes: Mga mangingisda sa Himamaylan nagbaton sang mga fishing boats halin sa NVCMga mangingisda sa Himamaylan City nagbaton sang fishing boats halin sa isa ka non government organization.Duha sa sini nga mga baruto nga ginahatag bilang pagdumdom sa kaadlawan sang mga kabataan, duha man ang sa pagdumdom sa nagtaliwan kag ang isa para sa prinsesa sang pamilya…Ini ang mga baruto sang Negros Volunteers for Change.Isa ka non government organization nga naka base sa Bacolod City nga nagatuyo nga maghatag sang gahum sa ordinaryo ng pumuluyo.Mga mangingisda ang nagbaton sini.Sang kahapon, Martes, 5 ka mga motorized nga fiberglass nga bangka ang ginpanagtag sa mga mangingisda sa bulig ni Vice Mayor Justin Gatuslao.Ginkuha niya pa ini sa Sagay City kag gindala sa Hi...

Jul162025 by Romeo SubaldoNo Comments

May posibilidad sang malala nga pagbaha sa masunod nga inadlaw sa Neg Occ suno sa PAGASA

Balita Hiligaynon

https://youtu.be/_mmigAiHyhI?si=6QY18L9dyOnPdzQoSuspendido na ang klase sa banwa sang Hinoba-an.Ini ang gin anunsyo ni Mayor Daph Reliquias sini nga aga bangud sang maulanon nga panahon.Mabunok nga ulan ang na eksperyensya ang banwa kaina sang aga.Si Mayor Raymund Tongson sang Himamaylan City nag anunsyo naman nga wala sang klase sa bwas, July 17 sa tanan nga levels.Ang banwa sang Binalbagan ang nag nagdeklarar nga wala man sang klase sa bwas kag sa Biyernes.Sa weather update sang PAGASA, as of 2pm kaina, ang Bagyo nga Crising sa sulod sang Philippne area of Responsibility ang yara na sa 650 km east sang Virac Catanduanes.Magluwas sa hangin nga dala sang bagyo balantayan suno sa PAGASA ang ulan nga dala naman sang Habagat.Humalin subong nga adlaw tubtob bwa...

Jul162025 by Shiela Gelera-BragaNo Comments

5 ka tuig nga bata sa Himamaylan nalumos sa bubon

Balita Hiligaynon

Nasapwan na lamang nga nagalutaw kag wala na sang kabuhi sa bubon ang 5 ka tuig nga bata nga lalaki sa Barangay Suay, Himamaylan City sang Martes sang gab-i.Ginpangita sang amay ang bata kag sa iya paglili sa bubon malapit sa ila puluy-an, didto kag nakit-an niya ang bangkay sang biktima nga nagakulob.Ginhingagaw kuha sang amay ang iya bata sa bubon kag gindala sa Governor Valeriano M. Gatuslao Memorial Hospital kon sa diin gindeklarar ang biktima nga dead on arrival.Ulihi nga nakit-an ang biktima nga nahampang malapit sa bubon, Martes sang ugto, ukon anum ka oras antis siya nga nasapwan.Nag-request na ang Himamaylan Police sang post-mortem examination sa bangkay sang biktima.