Nagdangat na sa P433 million ang assistance nga na-release sang Department of Social Welfare and Development sa mga mangunguma kag laborers nga apektado ang ila katubuhan sang RSSI.
Ginsiling ni DSWD regional Director Arwin Razo nga nagsugod na ang ila nga pag panagtag man sang assistance sa mga laborers sa Negros Island Region nga naga trabaho sa mga katubuhan nga apektado sang RSSI.
Pero, suno kay Razo padayon man sa gihapon ang pag panagtag sang bulig sa mga small farmers.
Sa datus sang DSWD NIR 42,093 na ka mga small farmers kag laborers sa Negros Occidental kag Oriental ang nakabaton sang bulig paagi sa emergency cash transfer sa idalom sang UPLIFT Disaster Assistance Program.
36,354 suno sa DSWD ang gikan sa Negros Occidental nga nagbaton sang tig P10,325 nga assistance.
5,739 naman ka beneficiaries ang gikan sa Negros Oriental nga nag baton sang tig P10,125.
Tuyo sini nga mabuligan ang mga sugarcane farmers kag laborers ila nga mga pinansyal nga kinahanglanon sa tunga sang pag panghangkat nga ila nga gina atubang tuga sang peste nga RSSI.
[sibwp_form id=1]