
Mayor Albee Benitez nagpahayag nga ginatuyo ang Negros Island Region nga mangin model region sa pungsod.
Pagkatapos sang Pebrero 18 ginapaabot ni Mayor Albee Benitez nga mangin functioning region na ang Negros Island Region.
Ini bisan pa maga-gikan gihapon ang pondo nga gintalana para sa
mga departamento kag agency sa region VI kag VII.
Para sa alkalde nga naga-serbe anay nga chairman sang Regional Development Council, indi mangin sablag ang budget para mangin isa ka model region ang NIR nga sarang maka-operate paagi sa moderno nga teknolohiya agud maserbihan ang probinsya sang Negros Occidental,
Negros Oriental kag Siquijor.
Gindugang sang alkalde nga sa pagsapol sang House Committee on Visayas Development kaupod sang Department of the Interior and
Local Government kag Department of Budget and Management sa kongreso, nakasugtan ang pag-establish sang satellite offices sa mga probinsya.
Ang DILG ang magapanguna sang transition team agud mapatuman ang tikang sa pag-operate sang bag-o nga rehiyon.