Barangay Tabugon sa Kabankalan City ang iga-assess kun bala dapat nga ilakip sa mga Comelec Watchlist Areas kasunod sang encounter nga natabo sang nagligad nga semana.
Suno kay Provincial Elections Supervisor, Ian Lee Ananoria, sa October 4 maga sapol ang Joint Security Control Center kag sila ang maga patigayon sang assessment sa mga barangay.
Sang nagligad lamang nga semana natabo ang encounter sa tunga sang military kag NPA sa Tabugon kun sa diin anum ang napatay. Suno kay Ananoria, pat-uron sa amo nga sinapol kun iga-elevate ang category sang Tabugon nga sa karon yara sa green category ukon mga areas nga wala sang security concern. Suno kay Ananoria, kalabanan sa nangin basehan sang pagpaildaom sa 51 ka mga barangay sa Negros Occidental bilang areas of concern amo nga may yara sang presensya sang rebeldeng grupo.
Namutikan man ang amat-amat nga pag init sang political rivalry sa mga barangay suno kay Ananoria, gani ini ang mangin basehan man sa madason nga assessment.