Magluwas sa Bacolod, Silay kag Victorias City may lima pa ka mga local government unit ang interesado sa ginapatigayon nga pabahay program sang national government pinaagi sa Department of Human Settlement and Urban Development ukon DHSUD.
Suno kay DHSUD Asst. Secretary Lea Delfinado, nabaton man nila ang letter of intent halin sa siudad sang Kabankalan, Bago, Sipalay, La Carlota pati ang banwa sang Candoni nga luyag makigbahin sa Pambansang Pabahay Program sa tuyo nga mabuligan ilabi na ang mga informal settler families.
Target sang DHSUD nga sa bulig man sang mga local government unit sa Western Visayas matukod ang kapin 120,000 ka housing unit sa sulod sang 6 ka tuig.
Ginatinguhaan naman sang ahensya upod sa Pag-ibig nga mapanubo pa sa P3,000 ang monthly amortization para sa pabahay program.