Napatay Sabado sang kaagahon, Abril 11 ang 32-anyos nga lalaki nga amo ang ginatudlo nga nagtiro-patay kay Police Master Sergeant Romulo Galvez sa ginpatigayon nga drug buy-bust operation sa atubang sang isa ka motel sa Alijis Road, Barangay Singcang-Airport sa Bacolod City, sadtong Huwebes sang gab-i.
Ginsiling ni Bacolod City Police Director Col. Eugene Rebadomia, nag-grapple kag nagbato ang suspek sa mga pulis nga nagatinguha nga siya ang disarmahan matapos sini matiruhan si Galvez.
Gindiretso ang suspek sa Corazon Locsin Montelibano Memorial Regional Hospital apang nagawaras siya kag nagpamalibad nga magpaidalum sa medical examination.
Ginrekomendar sang attending physician nga i-confine ang suspek agud pakalmahon.
Suno kay Rebadomia, nakabisita ang live-in partner sang biktima sa ospital Biyernes sang aga.
Wala pa makabaton ang kapulisan sang official report halin sa ospital angut sa gintunaan sang kamatayon sang suspek.*
[sibwp_form id=1]