Nagasugod na ang very strong El Niño ukon Super El Niño, sa tropical Pacific Ocean. Ini ang gin anunsyo sang weather bureau sang Pilipinas nga PAGASA Hwebes sang aga. Buot silingon mas mainit sang masobra sa 2 degrees celsius ang temperatura sang tubig sa ibabaw sang kadagatan kun ikumpara sa normal nga sitwasyon.
Sa December ang peak sang Super El Niño pero magalawig ini tubtob sa first half sang 2027.
Dugang pa sang PAGASA, sini nga Amihan season tubtob sa tig-ilinit, dako ang mangin pagnubo sa kadamuon sang pag-ulan.
Mabuhinan ang kadamuon sang mga bagyo nga maga sulod sa Pilipinas pero kun may ara gid man, tuman naman ka kusog.
Sa Pebrero, halos bilog nga Pilipinas na ang maka eksperyensya sang masobra sa 60% nga buhin sa ulan.
Mabatyagan man ang mas mainit nga temperatura bangud sa dry season kag diri posible ma eksperyensyahan ang record-breaking nga init sa pagsulod sang tig-ilinit sa 2027.
[sibwp_form id=1]