May mga P500 million pa nga pondo nga iga-release ang Department of Social Welfare and Development para sa mga apektado sang RSSI.
Ginapaabot nga matapos ang tagtaganay sang bulig sa ika duha nga semana sang Disyembre.
Paathag ni DSWD Regional Director Arwin Razo maga dangat sa mga P2 billion ang ila nga ginhinyo nga pondo nga iga download para sa mga mangunguma kag farm laborers nga na igo sang RSSI ang katubuhan sa Negros Island.
Sa November 14 nga report sang DSWD, P1.4 billion na ang tigayon nila nga na-release sa halos 140,000 na ka mga small farmers kag laborers.
Paathag ni Razo kalabanan sa wala pa nila mahatagan mga farm laborers.
May mga LGU pa sila nga balikan kay wala pa natapos ang tagtaganay kaangay sang Kabankalan City, pila ka sakop sang District 5 sa Negros Occidental, Don Salvador Benedicto kag Mabinay sa Negros Oriental.
Kun may mga reklamo man angut sa wala masakop sa ayuda, dapat ipatuhoy na ini sa mga LGU suno kay Razo. Kay ang LGU, ang tagsa ka local nga agriculture office kag ang Sugar Regulatory Administration amo ang nag pat-od ukon nag verify sang mga nalakip sa listahan.
Ang papel sang DSWD nagsulod na lamang bangud nga may yara sang state of calamity kag kinahanglan sang bulig ukon pondo nga ma-release sa mga apektado.
“Ang request namin that’s more than P2 billion, something like that. Initially the data show that we are about to serve equivalent amount of P2 billion plus, basta may warm bodies siya, fluid yung data namin,” suno kay Razo.
[sibwp_form id=1]