Ginapasugtan sang lokal nga panguluhan sang Silay ang home quarantine para sa mga Covid-19 positive depende sa sitwasyon sang pasyente kag kun puno na ang mga quarantine facility.
Suno sa kay City Administrator Atty. Edward Davilla, naga depende sa kaso sang pasyente kun ila siya nga pasugtan mag home quarantine kag kun puno na ang quarantine facility.
Ini kasunod sang reklamo sang pila ka mga residente sang isa ka subdivision sa Silay City nga may naga home quarantine sa ila nga subdivision nga Covid-19 positive.
Suno kay davilla natabuan nga puno ang ila facility sa Yolanda Housing sang mag positibo ang pasyente gani ginpasugtan siya nga mag home quarantine pero gina monitor siya sang barangay para masiguro nga indi magwa sa balay.
Naga pasalig sila nga wala nila gina butang sa alang-alang ang ikaayong lawas sang mga residente kay mabalik man sa gihapon sa LGU ang problema kun mang laton ang Covid positive.