Pagalimitahan anay karon sang Corazon Locsin Montelibano Memorial Regional Hospital ang pagbaton sang Covid-19 patients sa ila duha ka mga hospital wards.
Base sa advisory nga ginpagwa sang ospital subong nga adlaw, naglab-ot na sa maximum capacity ang ila Covid-19 allocated beds sa ob-gyne ward kag neonatal intensive care unit ward
Gani indi na sila anay makabaton pa sang dugang nga mga pasyente magluwas lamang sa extreme emergency cases.
Sang Sabado, nagpagwa man sang advisory ang ospital nga 93 porsiento na sang ila mga Covid-19 beds sa ila mga ward ang ginagamit gani malapit na nga mapuno.
Pero nagapasalig ang ospital nga nagapakig angut ini sa lokal nga pangulohan sang Bacolod kag Negros Occidental para mahatagan sang pagtamud ang mga referrals kag transfers sang mga pasyente sa iban nga mga ospital.