Ginsugdan na ang pagbakuna sa mga senior citizen sa Bacolod City subong nga adlaw.
Sa lobby sang Bacolod City Government Center, ginbakunahan ang mga 150 ka senior citizen sang Sinovac vaccine kag sa mga barangay naman mga 200. Sa Bacolod may masobra sa 66,000 ka senior citizen kag 2,000 ang mga naka pa register para sa pagpabakuna.
Suno kay Dr Chris Sorongon, ang deputy for medical data and analysis, sila ang una anay nga batch. Maga depende naman ang pagbakuna sa maga abot nga vaccines.
Dapat anay mag pa rehistro ayhan sa barangay ukon online. May screening man nga gina patigayon. Antes sa pagbakuna may vital signs nga gina kuha kag kun normal naman ang resulta sila ang ipa idalom counselling kag ang pagdapat na sang bakuna. Kun may problema sa resulta sa vital signs gina paiway ukon gina defer ang pagbakuna.
Suno kay Sorongon gina una ang mga naka register.
Madamo suno kay sorongon sa mga senior citizen ang luyag nga magpabakuna.
Padayon pa man sa karon ang pagbakuna sa iban man nga katapo sang frontliners.