Napasaka na ang kaso nga illegal possession of firearms, illegal discharge of firearms kag pagsupak sang Comelec Gun Ban batuk kay Jose Alontaga nga nakuhaan sang video nga nagpalupok sang pusil sa nagluntad nga tension sa Hacienda San Antonio Dos sa Barangay Dos Hermanas siudad sang Talisay.
Sa case conference nga ginpangunahan ni NOCPPO Director Police Colonel Rainerio De Chavez upod sa COMELEC napat-ud nga si Alontaga nga karon nagapabilin at-large ang under probation.
Pero magluwas sa iya, gina-usisa na sang kapulisan ang security agency nga nabase sa Cebu nga amo ang nag-deploy sang mga gwardiya sa gina-awayan nga duta.
Makita sa nag-viral nga video nga may mga security guard nga armado sang shotgun sang nagluntad ang tension sa tunga sang mga Agrarian Beneficiaries.
Ginpahayag ni NOCPPO Spokesperson Police Captain Judesses Catalogo nga luyag nila mapat-ud kun paano gin-transport ang mga armas kag kun may yara ini sang banning exemptions gikan sa COMELEC.
Ang NOCPPO upod sa Talisay City PNP ang nagpasalig na nga tagaan atensyon ang pagpasiguro sang peace and order sa gina-awayan nga duta.