Securities and Exchange Commission ang nagapaandam sa publiko batuk sa pag invest sa isa ka kumbuyuahan kag foundation bangud wala ini sang nagakaigo nga lisensya para magkuha sang investment.
Base sa advisory sang SEC sa ila nga website, ginapaandaman sang ahensya ang publiko batuk sa pag invest sang kwarta sa RGS World Marketing Corporation.
Ini bangud bisan registered sa SEC kag Department of Trade and Industry ang ini nga kumbuyahan, indi ini sarang nga magbaton sang investment gikan sa publiko bangud wala ini nakakuha sang nagakaigo nga lisensya para sa pag solicit sang investments.
Ang kumbuyahan ang nagabaligya sang mga beauty and health products.
Suno sa tag-iya nga si Raz Garcia Salarda, Jr., isa ka lehitimo nga negosyo ang ila ginapadalagan kag wala man sila sang tuyo nga magbaton sang investments gikan sa publiko.
Sila ang nakigsapul na sa SEC para magpaathag kag handa nga magsunod sa anuman nga mando sang ahensya may angut sa ila kumbuyahan.