Shadow

Mag iloy patay matapos malumos sa baybay

Cadiz PNP photo

Ang masadya lang kun tani nga pag paligo sa baybay sang iloy upod sang iya duha ka anak kag duha ka hinablos ang nag resulta sa isa ka trahedya matapos malumos ang sa baybay ang mag iloy.

Ang napatay ang mag iloy nga si Melanie Alo, 30 anyos kag iya 11 anyos nga anak nga si Marybeth.

Sandig sa imbestigasyon sang Cadiz City PNP, nag paligo sa baybay sa bahin sang Purok Sambag sa Barangay Tiglawigan sanday Alo kag iya mga hinablos kaina sang aga.

Nagsaka ang tubig sang baybay suno sa pulis gani gin hingagaw ni Alo nga gin patakas ang iya upod nga mga kabataan.

Iya una nga ginsalbar suno sa pulis ang iya duha ka hinablos kag iya isa ka anak.

Gin balik niya sa baybay ang iya anak nga si Marybeth pero bangud sang makusog nga balud, wala na sila nakabutwa kag pareho nga nalumos si Melanie kag anak nga si Marybeth.

Ginhingagaw pa nga gindala sa ospital ang duha pero wala nas ila matabangan pa.

Leave a Reply

Your email address will not be published. Required fields are marked *

Secured By miniOrangeSecured By miniOrange