Shadow

Kulang nga water supply kag maintenance work sa wells ang mga kabangdanan sa problemado nga supply sang tubig

Tuman ka hinay nga tubig kag masami indi pag tubod sang tubig ang gina reklamo katon sang konsumedor sang Bacolod City Water District.

Suno sa pila ka mga konsumedor nga nagpadangat sang ila nga reklamo sa DIGICAST NEGROS mas masako pa karon ang schedule sang water interruption sang BACIWA karon nga nagsulod ang PrimeWater Infrastructure Corporation.

Bisan gani sa mga posts naga comment ang mga netizens nga BACIWA consumers sang ila nga reklamo lakip na diri ang higko nga tubig.

Sini lamang ang Water Watch nga isa ka local advocacy group nga naga tuyo sa pagtib ong sang kinamatarong sang mga konsumedor ang nagpabutyag sang ila nga pagka alarma sang problema angut sa kakulang sang water supply kag tuman nga kahinay sang pagtubod sini.

Suno kay Wennie Sancho amo sa gihapon ang problema nga gina atubag. Ang amo nga problema ang ginsaad nga mahatagan sang solusyon sang prime water suno sa iya.

Sila ang nagapanawagan sa PrimeWater nga hatagan sang kalubaran ang problema.

Suno naman kay BACIWA acting general manager Michael Soliva gina tutukan na ang kakulang sa water supply.

Mechanically driven ang problema gani indi malikawan.

Pero iya ginpasalig ang konsumedor nga ang bag o nga tagdumalahan ang nagahimo sang tikang para ma sabat ini.

Paathag niya ang Bacolod Bulk Water Inc ang wala naka deliver sang kantidad sang tubig nga ilagahatag dapat kag katunga lang ang na deliver rason nga may kakulan sa supply. May pila pa gid ka maintenance work ang ginapatuman sa mga well sang BACIWA.

Nagahinyo si Soliva sang pagpalawig sang pasensya sang mga konsumedor kag hatag sang higayon ang PrimeWater nga malubad ang problema.

Leave a Reply

Your email address will not be published. Required fields are marked *

Secured By miniOrangeSecured By miniOrange