Shadow

San Carlos Bioenergy Inc. gin tugtan maka operate sa sulod sang duha ka adlaw

San Carlos PIO photo

Gintugutan nga maka operate subong kag bwas nga adlaw ang San Carlos Bioenergy Incorported.

Suno kay Mayor Renato Gustilo, ini agudto mahuman sang SCBI ang pag process sang stock sini nga tubo sa panta.

Pagkatapos sini, liwat nga maga untat anay sang operation kag hatagan kalubaran ang problema sini angut sa water pollution.

Temporaryo nga nag shutdown ang SCBI sang Biyernes sa mando ni Gustilo.

Gin paandaman man ang kumpanya sang lokal nga panguluhan nga  kun mapaslawan ini sa pag himo sang tikang para mapa untat sang water pollution iga recommend ang cease and desist order batuk sa ila.

Sa pag sinapol sang Martes naghilisugot ang alkalde kag opisyales sang SCBI nga tapuson ang pag proseso sang nabilin nga cane stock.

Pero suno sa kay Gustilo i-drain dapat sang SCBI ang ila nga pond para malikawan ang pag awas sini. Tugutan ang pag balik sang operation sang SCBI pagkatapos sang evaluation nga patigayunon sang City Environment Management Office.

Leave a Reply

Your email address will not be published. Required fields are marked *

Secured By miniOrangeSecured By miniOrange