Shadow

Siudad sang Bacolod naghatag na sang P31M nga downpayment para sa COVID-19 vaccines

Siudad sang Bacolod ang nagbayad na sang trentay uno milyones pesos nga down payment sa AstraZeneca para sa una nga batch sang COVID-19 vaccine nga gin orders sini.

Ginpahayag ni Bacolod Mayor Evelio Leonardia nga luyag masiguro sang siudad nga masunod ang kontrata sini sa AstraZeneca para sa pagbakal sang 650,000 ka dose sang bakuna amo kun ngaa nagbayad na ini sang downpayment sang lunes pa antes sang deadline sang payment subong nga adlaw.

Suno sa alkalde sa third quarter sang tuig ginapaabot nga mag abot ang bakuna nga gin order sang Bacolod sa amo nga pharamaceutical company.

Ini matapos magpagwa sang executive order si Presidente Rodrigo Duterte nga nagapahanugot sa mga local government units nga naka order na sang vaccine nga maghatag sang advance payment sa mga supplier.

Ang Bacolod ang isa sa mga LGUs nga naka una sa pag order sang mga bakuna sa AstraZeneca.

Nakahanda naman karon ang vaccination plan sang Bacolod kag nahatag naman ini sa Department of Health.

Leave a Reply

Your email address will not be published. Required fields are marked *

Secured By miniOrangeSecured By miniOrange