Shadow

Sa Moises Padilla, lolo patay matapos nga ginlampusan sang bato kag gingulgulan

Moises Padilla PNP

Patay ang 66 anyos nga si Cristitoto Sambilad matapos ini gin gulgulan sa liog sang iya kaingud sa sulod mismo sang iya balay sa Barangay Quintin Remo sa Moises Padilla.

Suno sa PNP, nag baisay ang biktima kag ang suspek nga si Arnold Cahilwayan kag ini ang nag tulod para iya lampusan sang bato si Sambilad.

Iya pa dason nga gin gulgulan ang liog sang biktima gamit ang binangon.

Mismo ang apo sang biktima ang yara man sang natabo ang insidente gani iya nakilal-an ang suspek.

Posible may indi pag intsindihanay ang duha suno sa pulis. Padayon pa ang ila nga imbestigasyon.

I file naman subong ng adlaw ang kaso nga murder batuk sa suspek.

Secured By miniOrangeSecured By miniOrange