Shadow

Street lights nga wala naga agi sa metro sang Ceneco ginpang disconnect

Sa isa ka barangay sa city proper ginsuguran sang katapo sang Ceneco Service Inspection and Apprehension Section ang pag disconnect sang mga street lights nga wala naga agi sa metro.

Suno kay Unice Pasaylo, pamuno sang Ceneco Member-Consumers Integrated Services Division, iligal ang naandan nga ginahimu sang pila ka mga kabarangayan nga pag angut sa linya sang Ceneco nga wala naga agi sa metrohan ilabi na kun may yara sang fiesta.

Nagligad lang nga bulan sang ila napasakaan sang kaso ang pila ka mga opisyales sang Barangay Singcang-Airport sang gin alegar mag angut ini sa ila power line nga wala sang pahanugot sang Ceneco.

Ang pagpabaskog sang kampanya kontra pilferage kag ang estrikto nga pagpatuman sang one bill policy kabahin sang ginahimu sang Ceneco management karon nga apektado ang ila financial status tuga sang igapatuman nga pagrefund sang P238 million nga over/under recoveries sa mga kunsomidor.

Secured By miniOrangeSecured By miniOrange