Nadulaan sang kabuhi ang rider matapos nga makabunggo ang iya ginamaneho nga motorsiklo sa steel post sang signage, Domingo sang kaagahon, Agosto 31.
Nagluntad ang insidente sa dalan Lacson, boundary sang Bacolod City kag Talisay City.
Base sa traffic investigation, padulong norte, pagwa na sa syudad sang Bacolod ang biktima sang natabo ang insidente.
Wala na sang “signs of life” ang biktima sang naabtan sang rescue ambulance.
Ang 48-anyos nga biktima ang residente sang Barangay Lantad sa syudad sang Silay, Negros Occidental.
Iya sang Department of Public Works and Highways ang steel post signage nga nabungguan sang biktima.
[sibwp_form id=1]