Shadow

Pulis nga naga drive sang patrol car nga gin ambush sang NPA nasalbar bangud sa cellphone nga yara sa iya dughan

Sunod sunod nga lupok ang nagtublag sa mga residente sang ambush sang New People’s Army ang patrol car sang PNP sa Sitio Candida 2, Barangay Bi-Ao sa banwa sang Binalbagan.

Makita sa video ang pag untat sang patrol car kag pag bayluhanay sang lupok sa tunga sang mga pulis kag mga armado.

Subo kay Major Ellendie Rebusquillo, hepe sang Binalbagan PNP, ang tropa ang nag responde lang sa barangay bangud sang gin report nga may gin patay ang npa sa Sitio Nursery sa amo man nga barangay, sang hinali na lang mag lupok ang improvised explosive device nga gintanum sang NPA samtang naga dalagan ang patrol car.

“Pag sigabong amo tu dayon nag burst of fire, volume burst of fire nga gin tuga nila sa marked vehicle sa atun patrol kag te amo tu nga na maneuver sang atun driver nga naka withdraw siya immediately away from the burst of fire, samtang ga withdraw ang atun kapulisan ga firefight ga retaliate atun kapulisan,” suno kay Maj. Ellendie Rebusquillo, chief of Binalbagan PNP.

Ang deputy chief sang Binalbagan PNP nga si Lt Charles Casalan kag isa pa katapo nga si corporal Julius Tranquillero ang napilasan bangud sang pag paniro. Isa man ka menor de edad ang nasalabat pero lunsay minor injuries man lang ang ila naangkun suno sa pulis. Nakaluwas naman ang driver sang patrol car nga si Sgt Brian Ganzon matapos ma salbar ini sang iya cellphone sa bulsa sa iya dughan nga amo ang naiguan sang bala.

Gin ako naman sang Mount Cansermon Command sang New People’s Army ang pag ambush kag ila gin pahayag nga ini ang pag balos sang grupo sa wala unat nga enhanced police and military operations sa lugar nga naga hatag sang kakugmat sa mga pumuluyo. Ila pa gindugang nga ini ang sabat man sa mga biktima sang extra judicial killings sa mga sibilyan kag aktibista.

“Kun lantawon ta strike and withdraw na sila sir mo quick nga response na sila sir mo, it is impossible for us nga lagson sila kay tungod immediately mapa legal na sila indi ta mabal-an kun sin-o na sila. Indi man ta pwede ka kwan not unless may eye witnesses na maka tudlo nga sila na,” suno kay Rebusquilo.

Naga coordinate naman ang PNP sa army sa karon suno kay Rebusquillo angut sa ila nga counter operation sa mga rebelde.

Samtang, bangud sang natabo nga enkwentro, kanselado man subong nga adlaw ang distribution sang module sa lima ka mga eskwelahan sa lugar para man sa seguridad sang pumuluyo sa banwa.

Secured By miniOrangeSecured By miniOrange