Shadow

OFW nagpakuno kuno nga crew sang fastfood chain para isurprise ang iya nga iloy sa iya pag abot

Wala makahibalo ang iloy ni Misty Sanson agudo nga maga abot siya gikan sa Singapore. Masobra siya duha ka tuig nga wala maka pauli bangud sang pandemic. Sang ginpasugtan sang iya nga
Boss nga maka pauli sa Pilipinas, ginkunsabo niya na ang iya mga utod nga iya nga i surprise ang iya sini nga iloy sa iya pag pag abot.

Ang ila ginhimo, nagpakuno kuno siya nga crew sang McDonalds Forbes Hill. Sa bulig sang mga managers, ginpasuksok siya sang apron, kalo kag glasses para indi dali dali makilala.

Sang ready na ang tanan pati na ang i serve nga pagkaon, nag diretso na siya sa lamesa kun sa diin naga pungko ang iya nga iloy. Nakibot pa una ang iloy kay wala man siya sang may gin order

Sang gin kakas niya na ang iya nga glasses kag mask pati kalo… Nangin emosyonal ang ila liwat nga pagkitanay.

Sang una kuno daw sa wala lang kun magpauli siya. Pero subong, sa inagyan sang tanan sini nga pandemic,isa na ka dako nga bagay kun makapauli ka kag liwat mkita ang imo nga pamilya.

Hilig niya maglantaw sang mga videos sang liwat nga pagkitaay sang mga magpamilya pero la-in gid kuno ang pamatyag kun ikaw na ang yara sa video. May remembrance na siya kag balikbalikan sa iya liwat nga pagbalik sa singapore matapos ang isa ka bulan.

Secured By miniOrangeSecured By miniOrange