Amat amat na gid man nga nagadamo ang tawo sa Bacolod Central Market.
Pero indi pa mabatyagan bisan sang pila ka mga manugbaligya sang prutas ang Christmas rush bangud madiutay pa lang ang mga bumalakal.
Ginapaabot nila ang pagdagsa sang mga bumalakal sa madasun nga semana kadungan sang pagsaka sang presyo sang prutas samtang nagahilapit ang Adlaw sang Paskwa.
Suno kay Merlita Doromal, may nagapamakal na gid man sang prutas para sa 12 fruits collection, ugaling binilog lang ang baklanay.
Tag tatlo shien ang mansanas sa karon pero sarang ini magsaka sa tag lima tubtob napulo ka pesos ang bilog depende sa klase kag kadakuon.
Ang kilo sang ubas nga tag-dos shientos tubtob dos shientos sinkwenta pesos depende sa klase ang sarang magsaka sa biente tubtob trenta pesos.
Napulo tubtob biente pesos naman ang bilog sang orange pero posible man ini magsaka sa lima tubtob napulo ka pesos.