Presidente Rodrigo Duterte kag Vice President Leni Robredo ang nag bisita sa mga apektado sang bagyo sa Southern Negros.
Lunes nag patigayon sang inspection ang presidente sa Southern Negros. Suno kay Negros Occidental Governor Eugenio Jose Lacson 2 billion pesos ang gin pledge sang presidente sa mga lugar nga apektado ni bagyo Odette sa Western Visayas.
Ang presidente mismo ang nag pamuno sang ceremonial distribution sang family food packs, repair kits, hygiene kits pagkatapos ginpatigayon ang post typhoon briefing sa Kabankalan City Hall.
Nag patuman man sang aerial inspection ang presidente. Suno kay Governor Lacson, iya ginpadangat man kay Energy Secretary Alfonso Cusi nga kun mahimo mahatagan sang dugang nga personnel ang mga electric cooperatives agudto mapadasig ang pagbalik sang supply sang kuryente.
Suno kay Lacson ginsiling man ni DSWD Secreatary Rolando Bautista nga 15,000 pesos ang mabaton sang mga nagub-an sang balay nga partially damaged kag ang mga totally destroyed 30,000 pesos.
Sini nga Martes sang hapon naman nag abot sa Kabankalan City si Vice President Leni Robredo. Personal siya nga nag istorya sa mga na apektuhan sang bagyo. Suno iya sa tunga sang natabo madamo sa gihapon ang sarang nga mapasalamatan. Isa ka truckload sang foodpacks ang gin turn over sang iya nga talatapan.
Upod man kay VP Leni nga nag panagtag sang bulig ang celebrity nga si Kris Aquino.