Shadow

PNP naka paandam batuk sa peke nga RT-PCR test result

Gina paandaman karon sang PNP sa Rehion 6 ang mga travelers ilabi na ang mga maga sulod sa Western Visayas lakip na ang Negros Occidental kag Bacolod, Nga mag andam batuk sa mga fake RT-PCR test results bangud sa sarang sila nga makasuhan.

Suno kay PRO- 6 spokesperson, Lt Col Arnel Solis, kinahanglan nga i seguro gid sang mga pasahero nga ang ila kuhaan sang ila nga rt pcr test ang isa ka lehitimo man nga institution para indi mabiktima sang fake swab test.

Ginpaandaman man ni Solis nga likawan sang mga pasahero ang mga persona nga naga tanyag sang negative RT-PCR result bisan wala pa sang swab test bangud sa peke ini.

Sarang makasuhan ang traveler suno kay Solis nga maga usar sang peke nga swab results.

Magluwas sa mga travelers, ila man lagson ang mga institution nga naga ubra sang peke nga RT-PCR kag sila ang kasuhan man sang kapulisan.

Leave a Reply

Your email address will not be published. Required fields are marked *

Secured By miniOrangeSecured By miniOrange