Padayon ang upgrading sang mga provincial hospitals sa Negros Occidental.
Ginsiling ni Provincial Administrator Rayfrando Diaz nga naga pungko man bilang head sang hospital operation services sang Provincial Health Office nga magluwas sa naga padayon nga pressure spraying sa Cadiz District Hospital, gina paabot ang pag award sa contractor sang pag renovate sang ikatlo kag ika-apat nga panalgan sang ospital.
Ilakip ang electrical kag plumbing mga P14 million ang pondo para diri.
Ang Hinoba-an District Hospital ang nag baton sang 385-kVA silent type generator set para sa operational requirements sini.
Ang Teresita Lopez Jalandoni Provincial Hospital naman sa Silay City ang nakabaton sang dugang nga mga equipment nga naga lakip sang 750-kVA silent type generator nga gikan sa Hinoba-an District Hospital, mga beds and cribs para sa pediatric Ward and Pediatric Intensive Care Unit sang bag-o nga CEMREID kasubong man autoclave kag medical refrigerators.
Ginsiling ni Diaz nga nalakip sa pila ka mga key reforms ang digital integration, upgraded nga diagnostic equipment kag mas madasig nga emergency response.
Sa karon nagapaidalom sa training ang mga 60 esponders para sa EMT.
[sibwp_form id=1]