Ang Philippine Institute of Volcanology and Seismology ang nag pag gwa sang Kanlaon Volcano Lahar Advisory kasunod sang gina paabot ulan nga dal-on sang bagyo Ada.
Gani mga komunidad sa anum ka mga banwa kag siudad sa palibot sang Kanlaon nga nahamtang malapit sa kasubaan ang ginapaandaman.
Ginsiling sang PAGASA nga ang bagyo Ada mahimo magdala sang light to moderate with occasionally heavy rains sa Negros Island Region kag sa nabilin nga bahin sang Visayas. Ini ang sarang mag-generate sang volcanic sediment flows ukon lahar, sediment-laden streamflows ukon muddy run-off sa mga kasubaan sa area sang Kanlaon Volcano.
Ini ang rason nga gina pa alerto ang mga komunidad nga prone sa lahar kag sa iban pa nga related hazards.
Suno sa Phivolcs ang post-eruption lahar pwede nga ma tuga bangud sang mabunok nga ulan, kun sa diin anuron sini ang mga nabilin nga deposits gikan sa mga nagluntad sadto nga explosive eruption ukon ang loose ashfall gikan sa mga bag-o nga nagluntad nga mga emission.
Ang non-eruption lahars naman pwede maga gikan sa mga upper slopes sang bulkan nga damlag pa na expose sa landslide sang mag igo ang bagyo Tino.
Sakop sa mga komunidad nga gina paandaman amo ang yara malapit sa mga kasubaan sa Bago City, La Carlota City, La Castellana, Moises Padilla kag San Carlos City sa Negros Occidental kag Canlaon City sa Negros Oriental.
Suno kay Remuel Lajo ang PIO sang La Castellana sa interview sang aga, indi mabunok ang ulan sa ila banwa pero sa gihapon gina paandaman nila ang pumuluyo.
“Ang lahar advisory naton indi lang siya on the lahar deposit sa sining mga bag-o nga ash emission. Actually medyo loose ang top soil sang bulkan nakita man naton during typhoon Tino.”, suno kay Mari-Andylene Quintia, resident volcanologist.*
[sibwp_form id=1]