Shadow

PhilHealth naga haylo sa publiko nga i-avail ang konsulta services

YouTube player

Mga pumuluyo ang gina haylo nga mag avail sang bag-o nga programa sang Philhealth – ang Konsulta.

Ini ang nagalakip sang initial kag follow-up primary care nga mga consultation, health screening kag assessment. Sarang man maka access sa ginpili nga mga diagnostic services kag bulong. Ang laboratory nagalakip sang urinalysis, fecalysis kag CBC. Ang programa ang sa idalom sang Universal Health Care.

Sa Negros Occidental may 19 ka mga Philhealth accredited providers para sa Konsulta kag may anum ka iban pa nga pending ang approval.

Sini nga 2022, tuyo kuntani nga maka accredit sang 40 sa probinsya. Isa sa mga pagpanghangkat karon amo nga madiutay pa man lang ang tigayon nga naka avail sang sini nga mga serbisyo.

Suno kay Michael Avelino, ang head sang Planning Unit sang Philhealth 6, mahimo nga madamo pa ang wala nakahibalo sini.

“Isa sa reason nga wala ka avail ang iban kay indi sila aware nga may amo kita na nga program – Konsuita. Dugay ta na na nga gina pangayo nga ma pa konsulta ka lang. kay sang una, mapa konsulta ka sa duktor imo na ya, ikaw gid na ya ma bayad. This time, as the name suggests kun maka konsulta ka pwede ka na ka pa konsulta”, suno kay Avelino.

Kulang man ang 19 ka mga accredited nga Konsulta providers suno Janimhe Jalbuna ang Head sang Public Affairs Unit nga gina haylo man nila ang mga Rural Health Unit nga mag pa accredit.

Pero, labaw sa tanan naga kampanya ang Philhealth sa pumuluyo nga mag pa miembro kag mag pa rehistro.

“Nagpatawag kami sang orientation sa aton local chief executives diri sa Negros kay naka devolve sa ila ang mga RHUs naton kag District Hospitals naton, sila gid na ang may mandato nga i-inform kag i-accredit ang ila sini nga facilities”, suno kay Jalbuna.

Sa ginsakdag nga Health Summit sang Nobyembre 24 suno kay Edgar Yocariza ang pamuno sang Philhealth Bacolod nag pasalig ang probinsya sa pagtukod sang primary care network sa 2023 kag gina lauman ang suporta sang mga LGU para diri.

“Next year nag commit sila nga ang province of Negros Occidental maga porma na sang gina tawag naton primary care network. Ga expect kita next year halos tanan gid nga mga LGUs maga participate”, suno kay Yocariza.

Secured By miniOrangeSecured By miniOrange