Probinsya sang Negros Occidental ang naga paandam sa mga restaurant batuk sa mga naga pa book ukon naga order nga naga gamit sang ngalan sang gobernador.
Ini kasunod sang pila ka mga insidente sang nagligad nga semana kun sa diin gin gamit ang ngalan ni Governor Eugenio Jose Lacson.
Suno kay Provincial Administrator Rayfrando Diaz, siya mismo ang nakabaton sang tawag gikan sa isa ka resort nga naga verify sa iya kun bala nag pa book gid man ang gobernador para sa isa ka event sa ila nga resort.
Una suno kay Diaz wala man personal nga naga pa book ukon naga order ang gobernador. Ika duha mas maayo nga pat-uron ang kasubong nga mga impormasyon sa staff sang Governor’s Office ukon Provincial Administrator’s Office.
Kay cellphone number ang gina gamit, ipatuhoy nila ini sa National Bureau of Investigation ang amo nga mga prank call para ma usisa, kun ibu-ot sang gobernadora.
Wala naman sila sang may nakita pa nga motibo sa likod sini suno kay Diaz.