Pamuno sang Negros Occidental PNP nagklaro nga lubos nga naga hatag sang kooperasyon ang Kabankalan PNP angut sa imbestigasyon sa Tabugon Encounter.
Ini kasunod sang ginsiling sang pamuno sang Commission on Human Rights nga si Vincent Parra nga wala siya ginhatagan sang pamuno sang Kabankalan PNP sang kopya sang spot report nga kuntani iya gamiton sa ila nga moto proprio investigation.
Anum ka gina-alegar rebeldeng NPA ang napatay sa gin-report encounter sa tunga sang rebeldeng hanay kag militar sa Tabugon sadtong Setyembre 22.
Suno kay Provincial Director, Col Leo Pamittan, ang ginhinyo sang CHR ang case folder, bagay nga wala ginhatag sang Kabankalan PNP bangud padayon pa ang ila nga imbestigasyon.
Wala pa gani nahuman ang pagpangusisa may kaangtanan sa firearms kasubong man ang resulta sa ballistic exams.
Samtang, sa imbestigasyon natukiban man nga wala na rehisto ang tricyle nga ginsakyan sang lima suno kay Pamittan kag wala man sang lisensya ang tricycle driver.
Naga buylog ang PNP sa imbestigasyon suno kay Pamittan.