Shadow

PCG naka heightened alert na, indi pwede magkaon sa sulod sang bus sini nga tigkalalag

Ginapaabot na sang pamunuan sang Coast Guard sa Western Visayas ang pagdamo sang mga nagapinauli nga pasahero para sa pista minatay.

Gani asta Nobyembre tres, magapabilin man sa heightened alert ang Coast Guard bisan pa temporaryo nga ginadumilian na sang mga local government unit ang pagbisita sa mga patyo.

Masako naman karon ang byahe sa mga terminal sang bus.

Ang tagdumalahan sang Vallacar Rransit ang posible magadugang sang trips agud ma accomodate ang mga pasahero.

Kabahin man sang pagpatuman sang minimum health protocol ang pagdumili sa mga pasahero nga magkaon sa sulod sang bus.

Magluwas sa mga PNP help desk sa terminal may mga help desk man sa gwa sang mga patyo sa probinsya.

Ini agud mapasiguro nga wala sang maga bisita sa patyo kabahin sang pagpatuman sang executive order sang gobernador angut sa temporaryo nga pagsira sang mga patyo asta sa Nobyembre 2.

Bangud sini mismo ang katapo sang Cauayan PNP ang nagpanguna sa clean up drive sa sulod sang patyo para sa mga pumuluyo nga indi man maka bisita sa mga patyon sang ila minatay.

Leave a Reply

Your email address will not be published. Required fields are marked *

Secured By miniOrangeSecured By miniOrange