Sumugod karon las onse sang gab-i, magasugod na ang pag-install sang mga stage kag mga kiosko para sa Music Festival sa Lacson Tourism Strip.
Gani nagapangabay ang Bacolod Traffic Authority Office sa mga motorista sang paghangup antes pa man ipatuman ang road closure halin Oktubre 25 asta 27.
Ginklaro ni BTAO deputy Jose Antonio Robello, magapabilin nga passable ukon pwede pa maagyan ang dalan Lacson asta sa Huwebes.
Pero sumugod sa Biyernes asta Domingo, maga-reroute ang mga naga-alagi nga salakyan halin sa sur sa Aguinaldo Street.
Sa Gatuslao Street naman maga-agi ang mga salakyan nga pakadto sa norte nga bahin sang siudad samtang sirado ang Lacson Street halin sa corner sang South Capitol Road kag Lacson Street asta sa corner sang BS Aquino drive kag Lacson street.