Matapos ang moderately explosive eruption sang bulkan Kanlaon sang Sabado, na record ang 11 ka mga ash emission events sang bulkan.
7:24 am sini nga Lunes, Oktubre 12 ang ulihi nga na-record nga pag buga sang abo sang bulkan Kanlaon sang aga.
Nagsaka tubtob sa 300 meters sa ibabaw sang summit ang plume nga nag padulong northwest ukon sa area sang Murcia kag Don Salvador Benedicto.
Suno kay Darryl Arro, Science Research Analyst sang PHIVOLCS, sa 11 ka ash emission events wala naman sila sang may nabaton nga report nga may ash fall.
Kun may yara gid man nga nagtupa suno kay Arro mahimo ini sa mga lugar nga wala sang may mga naga puyo.
Ang na report lamang nga ash fall sadto pang pag lupok sang bulkan Kanlaon sang Sabado nga naglawig sang duha ka minutos. Pila ka barangay sa Don Salvador Benedicto ang nag report sang pag tupa sang abo.
Personal nga nagbisita ang Office of the Civil Defense sa banwa kag nag panagtag sang face mask.
Sang Sabado may gin report man nga light ash fall sa Brgy Codcod sa San Carlos City.
Suno sa PHIVOLCS nag dangat tubtob sa 6km ang kataason gikan sa summit ang plume sang maglupok ang bulkan Kanlaon nga nag sugod 12:46 pm tubtob 12:48 pm.
Ini ang ika lima na nag pag lupok sang bulkan sini nga tuig.
“So far wala kita may nabaton nga report nga may ash fall sa northwest nga portion sang Kanlaon, Murcia or sa DSB after sang eruption sang October 10. So far wala kita may nabaton nga report re sulfurig smell. Ga continue lang ang pag monitor naton”, suno kay Arro.
[sibwp_form id=1]