Indi naman gid malikawan ang pagsulod sang Covid-19 delta variant sa pungsod.
Abiso sang Department of Health sa mga lokal nga panguluhan amo nga dapat handa ang mga hospital services para diri.
Ini suno kay Negros Occidental Governor Eugenio Jose lacson base sa impormasyon nga iya nabaton gikan sa bag-o nga regional director sang Department of Health Region 6 nga si Dr Adriano Subaan nga nag courtesy call sa iya.
Suno sa gobernador dapat handaan ang posible nga sitwasyon. Sa record sang DOH wala pa sa karon sang local transmission sang delta variant sa pungsod nga ginakabig mas makalalaton.
Samtang, nalipay naman ang doh sa ginapatuman nga one hospital service sang probinsya. Suno sa gobernador gin-abisuhan ang probinsya na mag coordinate pa gid sa doh para mapabakud ang one hospital system.
“DOH has already told us that it is inevitable, that the delta variant will enter the country. We have to prepare for that as far as our hospital service is concerned. So, I think that’s quite alarming but we just have to be prepared for that situation,” suno kay Lacson.