Personal nga ginbisitahan ni Bacolod City Mayor Greg Gasataya ang mga pamilya nga nagboluntaryo nga naghalin sa Purok Balinday, Barangay 2 agud magsaylo sa Progreso Village Relocation Site II sa Barangay Vista Alegre.
Suno kay Gasataya, ginatutukan sang syudad ang pagtakod sang kuryente sa bulig sang Negros Electric and Power Corporation ukon NEPC.
Magluwas sa kuryente, ginpasiguro man ni Gasataya nga indi mag problema sa tubig ang mga residente bangud gina-assist na sang LGU ang ila application kag ang siudad na mismo ang magabayad sang ₱1,600 nga connection fee kada pamilya.
Gin-kompirmar man sang alkalde nga may ara sang 20 ka mga pamilya nga opisyal na nga nagsaylo kag ginhatagan sang nagkalain-lain nga assistance lakip ang galvanized sheets para sa ila balay, butane stoves kag food packs halin sa DSWD.
Sa sini nga pagsaylo, ginalauman nga mangin luwas na ang mga residente halin sa peligro sang baha kag iban pa nga kalamidad nga ila gina-atubang sa Mambuloc Creek.*
[sibwp_form id=1]