Pagkatikma sang kliyente nga Australian national rason nga na-trace kag nadakpan ang mag-live-in nga gin alegar nagabugaw sa ila apat ka menor de edad nga kabataan sa Bacolod.
Ipaidalom sa psychological debriefing kag therapy sa bulig man sang Department of Social Services and Development kag barangay ang duha sa apat ka mga kabataan nga gin-alegar gin gamit sa ila sa ginikanan sa online exploitation.
Biyernes sang na-rescue ang kapid nga lalaki nga 2 anyos upod sa ila mga magulang nga 6 kag 9 anyos pinaagi sa ginserbe nga search warrant kag joint entrapment operation sang Women’s and Children Protection Center – Western Visayas Field Unit, PRO 7 upod sa Bacolod City PNP kag DSSD sa Barangay Taculing.
Suno kay Punong Barangay Lady Gles Gonzales-Pallen madugay na nga residente sa ila barangay ang 28 anyos kag 35 anyos nga mag live-in partner nga ginikanan sang mga bata.
Nadakpan ang ila kliyente nga Australian sang mga otoridad amo nga na-trace ang mag live-in parner nga gina alegar naga bugaw sa mga menor de edad online.
Na recover man sang otoridad sa mag live-in ang mga cellphone kag laptop nga gingamit sa ila modus operandi. Pasakaan sila sang kaso angut sa.online sexual abuse kag exploitation of Children.