Patay ang tricycle driver matapos mabunggu-an sang Ceres Bus sa may Sitio Cambagting, Brgy. Cabacungan, banwa sang La Castellana Domingo sang hapon.
Ang biktima ginkilala kay Anthony Paulan, 42-anyos, negosyante kag residente sang Brgy. Guinpana-an, Moises Padilla, samtang ang driver sang bus ang ginkilala kay Alberto Recomo.
Suno sa kay P/Cpt Dennis Melfarejo, Deputy Chief of Police sang La Castellana PNP, gikan ang bus sa Brgy. Cabacungan padulong sa Moises Padilla samtang nagasugata ang tricycle sa bus.
Bangud sa mabaskog nga pagbunggo sang bus sa tricycle nag agum sang malubha nga mga pilas si Paulan nga nagresulta sa iya kamatayon.