Masubo nga ang wala labot nangin casualty. Ini suno kay Moises Padilla Mayor, Ella Garcia – Yulo angut sa pag kamatay sang anum ka tuig nga bata sa pagbayluhanay lupok sa encounter sa tunga sang militar kag army.
Suno sa alkalde tigayon na nga nakapalab-ot sang bulig ang banwa.
Ginpabalsamar ini kag ginhatagan sang lungon. May 5,000 pesos man nga cash assistance gikan sa banwa. Pero wala labot diri nag palab-ot man sang bulig ang talatapan ni Congressman Dino Yulo kag ang Office of the Vice President. Personal nga naka istorya ni Vice Mayor Felix Matthias Yulo ang ginikanan sang bata suno sa akalde kag ginsaysay sini nga nag panago gid man sila sang pag bayluhanay sang lupok. Gin-report may igo sa ulo ang bata.
Nagpatigayon na sang forensic examination ang Scene of the Crime Operatives.
Ginsiling sang pamuno sang 302nd Infantry Brigade nga si B/Gen Jason Jumawan nga samtang yara sa area sa Brgy Quintin Remo ang mga soldado ang gin-atake sang rebeldeng NPA. Suno sa iya gin depensahan sang mga soldado ang ila nga kaugalingon samtang gina dumdom man ang mga sibilyan sa palibot. Ang tuyo nila amo nga ipalayo ang mga rebelde kag iga secure ang komunidad. Gina kondena sang militar ang indi makatawo nga gin buhat sang CPP-NPA-NDF – ang pag atake sa tropa sa lugar nga puno sang pumuluyo kag nag butang sa delikado sang ila nga kabuhi.*