Makita ang lalaki nga nakasuksok sang itom nga jacket kag shorts nga nagtaklas sa pader kag nagapanilag, mga pasado las 2 sang kaagahon sadtong Oktubre 27 sa Purok Pag-asa, Barangay Tangub sa Bacolod City.
Samtang nagalakat sang mahinay, nagsuksok ang lalaki sang face mask.
Nagpadulong ang lalaki sa vendo carwash kag ginkakas ang bilog nga coin slot box sang vendo.
Ginbitbit ini sang lalaki sa iya pagsaka liwat sa pader, pag-gwa sa compound.
Suno sa tag-iya, may unod nga ginabulubanta tres mil pesos ang nakawat nga vendo carwash.
Nagpadulong na ang tag-iya sang vendo sa Bacolod Police Station 8 agud magpa-rekord.
Gina-imbestigaran pa sang kapulisan ang insidente.*